അമേരിക്കയിലെ പോലിസ് ഓഫിസർ മൊട്ട ഗ്ലോബലിൽ!
ഒരു ദിവസം മൊട്ട ഗ്ലോബൽ സെക്രട്ടറിയുടെ ഒഫീഷ്യൽ നമ്പറിലേക്ക് ഒരു ഫോൺകോൾ, ഇന്റർനാഷണൽ നമ്പറാണ്. 30ലധികം രാജ്യങ്ങളിൽ മെമ്പർമാരുള്ള സംഘടന ആയതു കൊണ്ട് ഇത്തരത്തിലുള്ള കോളുകൾ സ്വാഭാവികമാണ്.
മറുതലക്കലെ ആൾ പറഞ്ഞു അമേരിക്കയിൽ നിന്നാണ് യു.എസ് പോലീസിലെ അംഗമാണ് സെക്രട്ടറി ഞെട്ടി. ലോക പോലീസാണ് അമേരിക്ക എന്നൊക്കെ കേട്ടിട്ടുണ്ട്, പക്ഷേ അമേരിക്കൻ പോലീസിന് മൊട്ട ഗ്ലോബലിൽ എന്ത് കാര്യം! ചിന്തകൾ കാടുകയറിയപ്പോൾ മറുതലക്കലെ ആൾ പറഞ്ഞു എന്റെ പേര് ബ്ലെസ്സൻ മാത്യു മലയാളിയാണ് യു. എസ് പോലീസിലാണ് ജോലി ചെയ്യുന്നത്! ഞാനൊരു മൊട്ടയാണ് നിങ്ങളുടെ സംഘടനയെ ഞാൻ സോഷ്യൽ മീഡിയയിലൂടെ ഫോളോ ചെയ്യുന്നുണ്ട്. എനിക്കിതിൽ മെമ്പർ ആവാൻ താല്പര്യമുണ്ട്. അപ്പോഴാണ് സംഗതിക്ക് ഒരു ക്ലാരിറ്റി ഉണ്ടായത്.
മലയാളിയുടെ തനതായ ശൈലിയിൽ അല്പം കുശലാന്വേഷണങ്ങൾ പങ്കുവെച്ചതിനുശേഷം "മൊട്ട സലാം" പറഞ്ഞതുകൊണ്ട് ഇരുവരും ഫോൺ കട്ട് ചെയ്തു. അങ്ങനെ മൊട്ട ഗ്ലോബലിന് അമേരിക്കൻ പോലീസിലും പിടി ഉറച്ചു.
ബ്ലെസ്സൻ മാത്യു ഫിലഡെൽഫിയ പോലീസ് ഡിപ്പാർട്ട്മെന്റിലെ സർജന്റും, ഈ റാങ്ക് നേടുന്ന ആദ്യത്തെ ദക്ഷിണേന്ത്യക്കാരനും ആണ്. 2008-ൽ കേരളത്തിൽ നിന്ന് അമേരിക്കയിലേക്ക് കുടിയേറി ക്രിമിനൽ ജസ്റ്റിസിൽ പഠനം പൂർത്തിയാക്കിയ അദ്ദേഹം, കറക്ഷൻസ് വിഭാഗത്തിൽ നിന്ന് സേവനം തുടങ്ങി പോലീസ് ഡിപ്പാർട്ട്മെന്റിൽ ഉയർന്ന സ്ഥാനങ്ങളിലേക്ക് ഉയർന്ന വ്യക്തി യാണ്. ഇപ്പോൾ Internal Affairs Bureau-യിൽ സേവനം ചെയ്യുന്ന അദ്ദേഹം, PAALEA പ്രസിഡന്റും, AMLEU ട്രഷററും ആണ്. നിയമപരിപാലന രംഗത്ത് വൈവിധ്യവും ഐക്യവും മുന്നോട്ട് കൊണ്ടുപോകുന്നതിനൊപ്പം, സമൂഹ-സാംസ്കാരിക സംഘടനകളിലും യുവജന ശക്തീകരണത്തിലും സജീവ പങ്കാളിത്തം വഹിക്കുന്നു. മലയാളി ഓഫീസർ എന്ന ഇൻസ്റ്റാഗ്രാം പേജിലൂടെ സോഷ്യൽ മീഡിയയിൽ ഏറെ ആരാധകരും ബ്ലെസ്സൻ മാത്യുവിന് ഉണ്ട്.
ഈയടുത്ത് ഒന്നാം വാർഷികം ആഘോഷിച്ച തലമൊട്ടയടിച്ച വരുടെ ആഗോള മലയാളി സന്നദ്ധ സംഘടനയായ മൊട്ട ഗ്ലോബലിൽ 37 രാജ്യങ്ങളിൽ നിന്നായി 1600 ലേറെ മെമ്പർമാർ ഉണ്ട്.
_(21)2.jpeg)
